Un estilo di bida ‘bèrdè’ ta kuminsá ku Banco di Caribe su ‘Green Loan’
Un esfuerso real pa Kòrsou ta mas bèrdè!
WILLEMSTAD: Ya ta algun tempu kaba ku Banco di Caribe ta den proseso pa ‘bai bèrdè’. Por mira esaki den algun área di duna servisio na banko, na instalashon di pènel solar na su edifisionan, uso di outonan eléktriko i e instalashon di un ‘EV Charging Station’ pa klientenan karga nan outo na momento ku nan bishitá banko. Tambe Banco di Caribe a eliminá uso di kùp di plèstik. Tur esaki den un esfuerso real pa biba mas ‘bèrdè’ posibel; protehé naturalesa, redusí polushon i kontribuí na un mihó ambiente pa nos próksimo generashon.
Banco di Caribe i Dynaf
Den e proseso pa ‘bai bèrdè’, Banco di Caribe a risibí asesoramentu di Dynaf. Dynaf ta un kompania renombrá ku ta spesialisá riba e tereno aki. Nan ta ofresé paketenan personalisá tantu pa kas di famia, individuo òf negoshi. Ta e intenshon di Banco di Caribe pa hasi un impakto aún mas grandi den e área aki, motivando no solamente empleadonan pero tambe kliente pa bira mas konsiente di e benefisionan di un estilo di bida ‘bèrdè’. Ku e desishon pa ‘bai bèrdè’ ta bin un invershon. Uso di produktonan ‘bèrdè manera, vehíkulo eléktriko òf pènel solar ta algun manera ku e kliente por redusí su gastunan, esei ta aparte di e benefisionan pa nos isla i medioambiente. Bishitá Dynaf su ‘green office’ i risibí tur informashon nesesario. Por mira ubikashon di e ‘green office’ riba nan página di Facebook.
Banco di Caribe ta spera di por inspirá mas empresa pa kuminsá orientá riba e posibilidat i benefisionan di e práktikanan aki. Hopi hende ya kaba tin un vehíkulo eléktriko, i kisas awor ta deseá un propio ‘EV Charging Station’. Òf kisas bo tin un empresa i ke instalá pènel solar? Banco di Caribe a diseñá un pakete spesial pa sostené un i tur ku ke djòin e ‘green lifestyle’. Tur kliente interesá por risibí un interes spesial riba nos green loan– bálido te dia 31 di desèmber 2022. Pa mas informashon i pa apliká fásilmente pa e ‘green loan’ por bishitá www.bancodicaribe.com
